binlimuus' blog

Schnupperwuche Tierspital

fix und fertig...

Also ich weiss nid wasi alles schribe söll, ich bi so erledigt...

Hüt isch nid sone tolle Daag gsi, rächt öd widrmol. Ha mer d Zyt abr irgendwie vertribe. Mi Ador isch jetzt wieder diheime... mi Sunneschynli ishc weg . Jänu, defür luegi uf die zwei junge Büsi, wo no krank sin, bzw. die einti vo beidne ishc nonig fit, hoff das wird no. Si isch ämel grad go trinke woni ihre d Milch nochegfüllt han und geschter het si no die ganzi Zyt kotzt ka. I würds nid ertrage nomol es jungs tots Büsi... Hoff es gsundet bald.

Denn isch min Schatz de Jonny au no heimegange am Oobe... Dasch es schwarzes Ross gsi. Rasse kei Ahnig, kenn mi nis us, hehe. Abr es isch es neus grad glichzitig inecho, het gschwitzt wie weiss nid was, mega krass. Und het hinde links es gschwullenigs Bei, gseht mega hart us... Jo süscht hets nid so vill ge, han langsam d Schnauze voll vo de Chliitier... immr sGliche. Han mini Liebi für Rösser entdeckt :D

Am liebschte hani eift d Rösser und notürlich d Chatze

Jo und i han gescht Zoobe jo Halsweh ka und hüt au wahnsinnig und mittlerwile bini anerer Erkältig :S

Adee Oldies but Goldies...

1 Kommentar 12.10.06 20:42, kommentieren

Schattesite und Freudesite

Mittlerwiile macht s Schnuppere mega Spass. Si kümmere sich ändlech um mi

Leider hämmer hüt ganz en truurige Fall ka. Es jungs Büsi mit Beibruch und eme Loch im Zwärchfäll... d OP hätti ca. 2000 Fr. koschtet und d Bsitzer häns nid welle zahle... so A.........!!! DKlinik macht d OP in sottige Fäll ame glich und vermittlets Tier eift an wen anders wiiter. Abr leider hän si die entsprächende Grät nid ka und hän si miesse ishclöfere. Das isch huere hart gsi, es wäri nach dr OP ohni Folgeschäde bliibe...

I hass dottigi Mensche, häns Gäld abr wänn nid.

Defür stoht de Ador im Stall. Das sich en Schoofsbock, und was füren tolle . Er isch mit Durchfall zue uns cho und denn ganz truurig umegläge und hach, ganz jämmerlich het er usgseh. Denn hani hüt nachem glueget und er ishc umegloffe er het mich aglueget wenni mit em gredet han... sone Schnuggibolle!!! Er isch sogar an dr Stalltüre ufgstande! Und ich hanem dörfe e Sprützi ge! Sau toll het er aneghebet.

Ah jo, ich han jo keini Erfahrige mit Rösser... gib mis Beschte... Denn froogt die einti so ob ich Riite und ich so, nei, han kei Ahnig wie me mit Rösser umgoht... und si findet, was? Das merkt me abr nid! Sau cool, findi voll geil. Han chli es Händli für Viecher

Jo, am Nomidaag bini denn vor allem bi de Rösser gsi und denn no uf Ussedienscht... vor allem Besamige, nid so extrem interessant

Freu mi uf morn hehe

11.10.06 21:17, kommentieren

alles schmeisse-wirds besser?

Also woni hütte ind Mittagspause bin hani nüm welle wiitermache. Dr Morge isch so scheisse gsi und i ha mer gseit, wenn dr Nomidaag au eso isch denn bini ab morn nüm dört debii.

Die hän mi eift ignoriert... als wäri Luft. Und es het au keini Patiente ka und somit bini öbbe vier Stunde nume umegsässe und niemerts het sich nach mir erkundigt odr mol mit mir gredet ka... Es isch eift nume scheisse gsi... I mein, nume zum Stall usmischte muessi nid dört ane... und das ishc au wirklich alles gsi, woni de Morge gmacht han...

Defür isch am Nomi meh Action gsi und die nätti Tierärztin isch wieder ume gsi. Bi dere bishc wenigschtens nid Luft und si zeigt eim alles und erklärt au was. Drum isch de Nomidaag ändlech mol guet gsi  Hoffentlich goht das eso wiiter...

1 Kommentar 10.10.06 19:52, kommentieren

dr erschti daag

D' Areis zu dem Tierspital isch eifach bullshit... wenni das mol so sage dörf... I ha ca. ei Stund dört ane... nume will ich zweimol umstiige muess und willi so dämlichi Warteziite han. Und de Bus, mit dem me zum Tierspital chunnt, dr einzig!!!, de fahrt nume all 15 Minute... jänu. Morg gangi spöter... han hüt nämlig 20 Minute miesse warte... Und es sich eift arschkalt verusse!!

Jo guet: de chunnsch a und was darfsch mache? Stall usmischte... und defür hani dörfe Rössli hebe und beruhige während de Igriff... tooooollll

Den hani zwei Stunde Mittag ka und die hani gnosse... bi ufe Fäldströssi gsässe und ha z'Mittag gmampft und mi vo dr Sunne brötle lo

De Nomidaag isch iiiirrrsinnig gsi... bi nume umegstande, will au die andere nüt z'tue ka hän... nume drei Patiente... und am Schluss nomol Stall usmischte... Gott sei Dank sins morn nume no zwei und nümi vier Rösser...

Kurzum: d Scheissarbeite wärde em Schnuppy übertrage, so dass de voll Unterfordered und am Oobe todkaputt isch.

I freu mi scho uf morn... es macht jo soooooo Spass

1 Kommentar 9.10.06 20:26, kommentieren

Vorfreud

Vom 9. bis am 13. Oktober chan ich im Tierspital Leimetal go Schnuppere. Bi gspannt, wie das wird. I freu mi uf jede Fall druff

5.10.06 10:20, kommentieren