binlimuus' blog

Archiv

Münche

Jä, morn flieg ich übers Wucheändi uf Münche. Ganz ganz ganz frieh am Morge muessi ufstoh Debii bin ich jetzte scho völlig k.o. und chume chum usem Bett. I bi mer das Schaffe eift nid gwöhnt... schaff jo au meh als 100% in dr Wuche, ishc grad echli en Schock. Bin jo vorher "nur" am Studiere gsi .

Jedefalls freu ich mi riesig uf Münche. Mir göhn ufe Christchundlmarkt. Isch sicher mega toll.

Abr ich han eift soooooooo mega Angscht vorem Fliege... Hoff alles goht guet.

1 Kommentar 8.12.06 20:32, kommentieren

Münche

Jetzt nimm ich mir ändlich emol Zyt zum über Münche brichte

Also de Hiflug isch no rächt turbulänt gsi und ich flieg jo nid gärn und drum isch es ächt e zittrigi Sach gsi

Abr i has überstande

Glandet simmer ime Luxushotel!!! Mir hän e Suite ka!!! Eifach hammergeil! Meh chani gar nid dezue sage. Und erscht das Z'Morgebuffet!!! WOW!!! So vill Uswahl an jenschte Sache, geilo!!!

Und jetzt zum Chrischtchindlmärt: Leider hets am Samschtig gschifft ka und alli Lüt sin mit ihrne doofe Schirm umegloffe und das isch nid sehr agnähm inere Menschemängi...

Und dr Märt an sich bietet nid vill tolls. De Wiehnachtsmärt z Basel find ich also schöner und bietet meh.

Ich han no nie eso vill Gliehwii trunke ka wie a dem Wucheändi, abr kei Gliehwii ishc an de vom Barfi anecho. S'isch halt de bescht do

Ha mer ganz e cooli Santiklausemütze kauft. Eini miteme lange Zipfel gsehnd mi denn wenns (falls) es Schnee het demit umelaufe

Jo es isch e lessigs Wucheändi gsi, bin halt meeeega mied gsi, will mer so vill gloffe sin.

Ah jo, Münche sich schön. Es het mega schöni üser. Ich laad denn no Bilder ufe.

14.12.06 21:45, kommentieren

Gschäftsässe

Geschter zObe hani no e Wiehnachtsässe gha vom Bider und Tanner.

Mir sin ine thailändischs Restaurant. Ich han das Ässe zwar sehr gern, abr me chas au übertribe mit Gmies und Frücht... Zum Dessert hani eigentlich e Glace erwartet, abr es het Fruchtsalat ge... gruuuuuusig...

SÄsse isch scho fein gsi, bis ufe Tintefisch in dr Suppe

Nei Seich, es isch en Pilz gsi abr bi mir het er usgseh wie sone Stück vome Tentakel, i has jedefalls nid gässe.

Und denn hämmer no chöne Lösli zieh, jede bichunnt es Gschänk. Ich han voll abgloost ka... zershct hani sone doofe Stressball gwunne... anderi hän Wi und Härbiecher und anderi cooli Sache gwunne... Denn hämmer abr nomol dörfe zieh, also die wo so was Chlises ka hän, und denn hani e Hörbuech bichoo! Sau toll. Thomas Mann, der Tod in Venedig. Freu mi scho weni chrank bi

I loos denn ebbe immr Hörbiecher.

1 Kommentar 14.12.06 21:49, kommentieren

Eragon

Hüt simmer go Eragon luege. Hm... also es isch wirklich kei Verfilmig... si sin wiiit weg vom Buech. De Afang isch wirklich sehr guet, abr denn wird immr schlächter, eift zfescht kürzt und d Sache vermixxt...

Abr dSchauspieler sin supi und s Baby Saphira... ach wie süüüüüüüüesss!!!! Wött me grad sälber diheime ha!!!!! So härzigi Kullerauge.

Ich froog mi au, ob öper wo s Buech nid kennt druss chunnt... sisch doch sehr schnell und verwirrend. I hoff dr zweiti Film (wenns en git) wird besser.

Abr d Saphira isch shco mega genial!!!

Und dr Film an sich isch eigentlich au guet.

Sehr spannend uf jede Fall.

Ah jo! Bin serscht mol im neue Küchlin gsi! Isch jo mega genial das Teil!!! Sau schön!!!

1 Kommentar 14.12.06 21:53, kommentieren