binlimuus' blog

Archiv

Hallihallo

Jo, jetzt hani mer au en Blog zuegleggt. Allerdings weissi nonig für was genau... hehe, abr i wird scho was finde

Have fun!!!

19.9.06 20:34, kommentieren

17. Septämber: 7ab7

Letscht Sunntig het unseri Band wieder de Worship im 7ab7 gleitet.

Ich persönlich han nid sone guete Obe erläbt, bin innerlich wohl mega ufgwiehlt gsi, weiss allerdings nid genau wieso. Chan dra ligge, dass ich an dem Obe d Cheryl s'letschte Mol für nün Mönet gseh han Aber mir hän au bim Ufbau vorhär en mega Stress gha... Sit Neuschtem singe mer mit In-Ears und das isch so geil. Leider sin ebbe unseri einte Kabel unuffindbar gsi . Aber unseri Bandkollege sin so Schatzis und hän uns ihri ge :D

Abr defür sin d Feedbacks mega toll gsi . Das freut eim doch extrem!

Und i freu mi scho ufe nöggscht 7ab7, wenn mir wieder spiele dörfe... villicht hämmer denn ändlich en Name hehe.

1 Kommentar 19.9.06 23:10, kommentieren

FH-Isatz am Fritig

Morn het unsere Full House öpis ganz bsunderigs plant. Mir wänn am Obe ind Stadt go Lüt übers Chrischtetum zinterviewe. Eifach was si so dänke wenn me si froogt... so àla: wie gsehnd Chrischte us, was mache si, was loose si etc. Mir wänn de Lüt ufe Zahn fühle und wenns guet lauft, chönne mer villicht no me noochefroge, wie si zum Glaube stöhn... wer weiss, villicht hämmer Erfolg :D

21.9.06 21:25, kommentieren

Isatz zum Thema out

Jo, hüt hämmer also de Isatz ka zum Thema out.

Am Afang hets brutal vill Überwindig koschtet, d Lüt eifach azspräche, abr denn ishc es plötzlich gange. Und es sin interessanti Gspröch debii usecho. Ihr ghöret denn alles im nögschte Full Church!

Es isch eift e abartig geili Erfahrig gsi, mit irgend welchne Lüt so chli übere Glaube z rede. Was debii usecho isch, isch unterschiedlich, abr i dänk mer hän die Lüt zum Rede und Nochedänke animiert.

Und Spass hämmer au ka... und wie

Es isch e Erfahrig wärt. Göhn doch au eifach mol uf d Stross und mached so Umfrooge oder irgend was in dere Art!!!

22.9.06 22:48, kommentieren

Hochziit Leil&Gabe

Geschter isch d Hochziit vo dr Leil und vom Gabe gsi. Es isch en mega tolle Daag gsi. Scho nume dass d Sunne dr ganzi Daag gschiine het... han sogar Sunnebrand bichoo...

D Leil het mega hüsch usgseh!!! Und dr Gabe isch au en hübsche Brütigam gsi :D

D Organisation isch au super gsi. Die sibe Zwärgli hän das toll gmacht, me het immr was z gseh bichoo

Und s Ässe isch feudal gsi

Es isch eifach en hammer Daag gsi.

1 Kommentar 24.9.06 14:49, kommentieren