binlimuus' blog

alles neu...

SO, i ha denkt ich chönnt mol wieder bizeli was über d Band brichte

Es het sich vill do... dr Chris isch nüm am Schlagzüg, defür de Manuel. Denne isch dr Mrkus geschter s letshcte mol mit uns uf dr Bühni gstande

Mir hän no kei Nochfolger für ihn! Mer sueche entweder en Keyboarder odr en Gittarischt! (Dr Matthias chan jo beides spiele)

Und mir hän no d Céline, wo ab jetzte deii isch. Si singt momentan no mit mir, abr es sich egentlich denkt, dass si denn vor allem mit em Sax mitspiele duet. Und d Sarah chunnt jo au am 19. April wieder *meeeeegafreu*

Grad e Schmützli an dini Adrässe, wenn de das liesisch!

 

2 Kommentare 2.4.07 13:44, kommentieren

voll vergässe...

Hallihallo!

Ha irgendwie voll vergässe, dass ich jo en Blog han. Also nid diräkt vergässe, abr i han eift mega vill z'tue.

Ich schaff jo in dr Usglichskasse und denn no bim Bider&Tanner und - man lese und staune - ich bin jo sit afangs Johr ime Fitnesscenter!!!

Das frisst halt extrem vill Zyt, zumal ich jo au dreimol in dr Wuche gang. Aber es macht meeeega fun. Han es neus mega cools Hobby drzue gwunne :D

Mach sit Neuschtem ame Kurs mit. De heisst myline und kunnt us Dütschland. Isch so ähnlich wie Weight Watchers do us dr Schwyz. De Kurs duurt acht Wuche und de machsch kei Diät sondern e Ernährigsumstellig. Jo, näbebi nimmsch denn logischerwiis ab. Er bestoht us drei Teil: Ässe umstelle, Sport mache, Positiv dänke.

Es isch wirklich en geniale Kurs, de hungerishc voll nid. Sisch halt nid eifach, will de uf Fast Food uns Siesses verzichte muesch (ämel am Afang). Also jedi Wuche kriegsch neui Rezäpt derzue und de hesch au Siessi Sache dinne :D. Usserdem gits feini myline Riegel mit Schoggi dinne. Mjammmi, de lieb ich eso!!!

Es isch jetzte die dritti Wuche und i ha bereits 2,7 Kilo abgnoh. Ihoff, i ha die letschti Wuche nid wieder zuegnoh, bin am Fritig z'Mittag im Restaurant gsi und ha mi eift vollgfrässe... Bi bis z'Obe voll gsi und es het denn nume no e Salat gä, hoff das hets usgliche

Jo und trinke lernsch, das cha der sage! De hängsch nume no so an dr Wasserfläsche(ne!).

Jo, ich muess grad mol luege, was so mini letschte Iträg gsi sin... denn chani bizeli nocheschriebe... bin jo nume im Gschäft

1 Kommentar 2.4.07 13:38, kommentieren

Eragon

Hüt simmer go Eragon luege. Hm... also es isch wirklich kei Verfilmig... si sin wiiit weg vom Buech. De Afang isch wirklich sehr guet, abr denn wird immr schlächter, eift zfescht kürzt und d Sache vermixxt...

Abr dSchauspieler sin supi und s Baby Saphira... ach wie süüüüüüüüesss!!!! Wött me grad sälber diheime ha!!!!! So härzigi Kullerauge.

Ich froog mi au, ob öper wo s Buech nid kennt druss chunnt... sisch doch sehr schnell und verwirrend. I hoff dr zweiti Film (wenns en git) wird besser.

Abr d Saphira isch shco mega genial!!!

Und dr Film an sich isch eigentlich au guet.

Sehr spannend uf jede Fall.

Ah jo! Bin serscht mol im neue Küchlin gsi! Isch jo mega genial das Teil!!! Sau schön!!!

1 Kommentar 14.12.06 21:53, kommentieren

Gschäftsässe

Geschter zObe hani no e Wiehnachtsässe gha vom Bider und Tanner.

Mir sin ine thailändischs Restaurant. Ich han das Ässe zwar sehr gern, abr me chas au übertribe mit Gmies und Frücht... Zum Dessert hani eigentlich e Glace erwartet, abr es het Fruchtsalat ge... gruuuuuusig...

SÄsse isch scho fein gsi, bis ufe Tintefisch in dr Suppe

Nei Seich, es isch en Pilz gsi abr bi mir het er usgseh wie sone Stück vome Tentakel, i has jedefalls nid gässe.

Und denn hämmer no chöne Lösli zieh, jede bichunnt es Gschänk. Ich han voll abgloost ka... zershct hani sone doofe Stressball gwunne... anderi hän Wi und Härbiecher und anderi cooli Sache gwunne... Denn hämmer abr nomol dörfe zieh, also die wo so was Chlises ka hän, und denn hani e Hörbuech bichoo! Sau toll. Thomas Mann, der Tod in Venedig. Freu mi scho weni chrank bi

I loos denn ebbe immr Hörbiecher.

1 Kommentar 14.12.06 21:49, kommentieren

Münche

Jetzt nimm ich mir ändlich emol Zyt zum über Münche brichte

Also de Hiflug isch no rächt turbulänt gsi und ich flieg jo nid gärn und drum isch es ächt e zittrigi Sach gsi

Abr i has überstande

Glandet simmer ime Luxushotel!!! Mir hän e Suite ka!!! Eifach hammergeil! Meh chani gar nid dezue sage. Und erscht das Z'Morgebuffet!!! WOW!!! So vill Uswahl an jenschte Sache, geilo!!!

Und jetzt zum Chrischtchindlmärt: Leider hets am Samschtig gschifft ka und alli Lüt sin mit ihrne doofe Schirm umegloffe und das isch nid sehr agnähm inere Menschemängi...

Und dr Märt an sich bietet nid vill tolls. De Wiehnachtsmärt z Basel find ich also schöner und bietet meh.

Ich han no nie eso vill Gliehwii trunke ka wie a dem Wucheändi, abr kei Gliehwii ishc an de vom Barfi anecho. S'isch halt de bescht do

Ha mer ganz e cooli Santiklausemütze kauft. Eini miteme lange Zipfel gsehnd mi denn wenns (falls) es Schnee het demit umelaufe

Jo es isch e lessigs Wucheändi gsi, bin halt meeeega mied gsi, will mer so vill gloffe sin.

Ah jo, Münche sich schön. Es het mega schöni üser. Ich laad denn no Bilder ufe.

14.12.06 21:45, kommentieren